Jakarta, Nailar:
Katkum ki khubor, la iathuh ba 3 ngut ki la duh noh ia ka jingim hadien ba ki nongïakhih, ki la thang ïa kawei ka ïing jong ka Council ha ka dong mihngi jong ka Indonesia, hapdeng ki jingïakhih ha baroh kawei ka ri, halor ka jingïap jong uwei u nongñiah kali, uba shong lang ha kajuh ka kali.
U Affan Kurniawan, 21 snem ka rta, u la shah tynrah ha ka kali jong ki pulit ha Jakarta, ha ka jingiakhih kaba kham mynshwa – bad kaba dang iai bteng – halor ka jingsiew kaba duna bad ka jinglut jong ki politishian.
Ia ki jingiakhih la iohi kum ka jingtynjuh kaba kongsan ia u President Prabowo Subianto, uba la leit ban jngoh ia ka iing ka sem jong u Kurniawan ha ka por janmiet jong ka sngi palei ban ai ia ka jingsngewlem.
Ha kiwei pat ki jaka ha kylleng ka ri, la siat lyer pynsat khmat sha ki paidbah ha ki nongbah Jakarta bad Surabay, katba ka jingiakynad kaba jur ka la mih.
Ka jingleit ontep ïa u Affan Kurniawan, ka la long ha ka sngi palei, ha kaba ki paralok barim jong u, ki la synran lang ïa u sha ka jaka shongthait ba khatduh jong u.
La iadon lang bad kitei ki heh pulit jong ka Jakarta, u Asep Edi Suheri, nalor ki riew sain pyrthei, u Rieke Dyah Pitaloka bad u Lat barim jong ka Jakarta, U Anies Baswedan, kiba la pynpaw ka jingkyrmen ba yn sa tohkit bniah ia katei ka kam, hynrei ki la khot ia ki delivery rider, ba kin sangeh noh ia ka jingiakhih jong ki, naka bynta ban pynneh ia ka shongsuk-
shongsaiñ.
ha katei ka jingjia, la ong ba kitei ki
nongiakhih ki dang ialum lang shabar jong ka jaka treikam jong ki pulit ban dawa ia ka hok halor ka jingiap jong u.
U President Prabowo Subianto, uba la ong ba u la “kyndit bad sngewsih ia ka jingleh palat pud jong ki ophisar” u la phah ruh ia ka jingpanmap sha kiba ha ïing jong u Kurniawan ha katei ka sngi.
