Shillong, Nailar 31
Ka Meghalaya Roll Ball Association ka la rakhe ïa ka National Sports Day 2025 da kaba pynlong ïa ka 2nd Sub-Junior Open to All Roll Ball Championship ha St. Anthony’s Higher Secondary School, Shillong.
Ha ka jingïakop jong ki shynrang, la wan shim bynta da ki saw tylli ki distrik kiba kynthup ï aka East Khasi Hills, West Khasi Hills, West Jaiñtia Hills bad East Jaiñtia Hills. Ka East Khasi Hills ka la khur ïa ka nam lahduh, katba ka West Khasi Hills ka la wan ba-ar bad balai ka West Jaiñtia Hills.
Ha ka jingïakop ha ka liang ki kynthei la wan shim bynta da ka West Khasi Hills bad East Khasi Hills. Te kumta ka West Khasi Hills ka la long ka lahduh bad ka East Khasi Hills ka la wan ba-ar.
Kat kum ka kyrwoh la ong ba ki jingïakhun ki la long kiba shongshit bad pynpaw ïa ka sap jong ki samla. Ki nongpynïaid ki la ong ba ka Roll Ball ka la nang kiew sted ha ka jylla Meghalaya bad na ka liang ka synjuk ka long ba la kloi ban kyntiew shuh shuh ïa kane ka jingïalehkai kaba dangthymmai.
