Jowai, Nailur 01
Ka lympung ïalehkai 3rd bad 2nd Division Football Tournament ba la pynïaid da ka West Jaiñtia District Sports Association (WJDSA) ka la nangjam shaphrang ha ka lah sngi U Blei ha Kiang Nangbah Stadium, Jowai.
Ha ka jingïalehkai jong ka 3rd Division hapdeng ka Mookyrdup bad Pammanik ki la kut ha ka jingïakhaid hadien ba kim shym la lah ban thep kol haduh kaba kut ka jingïalehkai.
Ha ka jingïalehkai kaba bud, ka Pasyih SC ka la pynliem noh ïa ka Pynthorlangtein SC da 2-1 kol. Watla ka Pynthorlangtein ka la pynkhih jar nyngkong eh tang mar ïasdang ka jingïalehkai lyngba u Daman ha oo Lipon (1), hynrei ka Pasyih SC ka la lah ban pynphai kylla ar kol lyngba u Seiborlang Dkhar (3&37).
Ha kawei pat ka jingïalehkai, ka Y.S.W Pynthorlangtein ka la jop da 2-1 kol ïa ka Khliehshnong Ïalong. Ïa ka kol jong ka Khliehshnong Ïalong la thep da u Manbha War (8), katba ïa ki kol jong ka Pynthorlangtein la thep da u Jinghun ha o Lipon (57 & 65).
Haba phai sha ka 2nd Division hapdeng ka Risingsun Mukhla bad ka Ïawmulong Nartiang ki la kut ha ka jingïakhaid mar 1-1 kol. Na ka Iawmulong Nartiang la thep da u Rimilanki Synnah (68), hynrei ka Risingsun Mukhla ka la lah ban pynphai kylla lyngba u Meuru Suna (72).
