Nongpoh, Nailur 01
U Deputy Commissioner (DC) jong ka Ri-Bhoi District, ula pynjari ïa ka kyndon 163 BNS kaba khang pyrshah ïa ki kali kiba kit khia ba kin ïaid lyngba ka surok na Mawskei sha Mawdem.
Ïa kane ka hukum la pynjari namar ka jingma kaba ap ïa ka jingkieng ha Mawskei, kaba lah ban khyllem ha kano kano ka por.
U DC ula pyntip ba katkum ka ujor jong u Executive Engineer ka tnat PWD-Nongpoh Division, la ong ba ka jingkieng ha Mawskei ka la jot bad ka lah ban khyllem lada ïaid ki kali ba kit khia. Ula ong ba kino kino kiba ïaleh pyrshah ïa kane ka hukum, kin ngat ha ka jingshah pynshitom katkum ki kyndon jong ka aiñ.
