Shillong, Nailur 02
Kan long ka sngi sah kynmaw ïa ka jylla Meghalaya hadien ba ka National Medical Commission (NMC) kala ai ka jingmynjur haduh 50 tylli ki seat pule MBBS ha Shillong Medical College jong u snem pule 2025-26.
Kane ka jingai jingmynjur kala buh ïa ka Shillong Medical College kum kawei na ki 21 tylli ki Medical College ha ki 13 tylli ki Jylla ban ïoh ïa ka medical seat na ka NMC.
Haba pynthikna ïa kane ha ka sngi Ba-ar, ka Myntri ka tnat ka koit ka khiah ka Jylla ka Kong Ampareen Lyngdoh kala ong, “Ka Shillong Medical College kala rung ha ka thup ban ïoh 50 tylli ki seat na ka NMC”.
“Hooid, ka dei ka jingjop kaba khraw bha ïa ka Jylla Meghalaya,” kala pynpaw.
