Tura, Nailur 02
Ka Aochik Conscious Holistically Integrated Krima (ACHIK) ha ka Lah Sngi U Blei ka la pynbna ban ai ka jingkyrshan kaba pura ïa ka jingïakhih kaba dang ïaid jong ki nongtrei ka Garo Hills Autonomous District Council (GHADC), kiba dang dawa ïa ka tulop kaba la sahteng mynta la 44 bnai.
Ka seng ka sngew ba ka jingeh ha ka GHADC kam dei tang namar ka jingpynslem ban siew tulop hynrei ka dei shaphang ka lawei jong ka jingsynshar ha ki kyrdan ba sha trai ha Ri-lum Garo bad kumta, khlem ki jingwanrah jingkylla kiba jylliew ha ka liang ka pisa-tyngka bad ki rukom ai jingkitkhlieh, ka Council ka don hapdeng ka jingma ban kylla long kaba khlem treikam shi-junom – kaba pyntlot noh pat ïa ka nongrim jong ka Khyrnit ba 6 bad ka jingsynshar hi dalade-ïalade.
“Ngi ïeng ryngkat bad ki nongtrei, ki bahaïing hasem jong ki, bad ki paidbah ka Ri-lum Garo. Ka ACHIK kan ïashim bynta shitrhem ha ki jingïakhih lang tad haduh ban da ïoh ïa ka hok bad ba ki jingwanrah jingkylla kiba beit ba ryntih ki don ha ka rukom treikam kaba dei,” ong ka seng ha ka kyrwoh khubor.Kyrshan ka ACHIK ïa ka jingïakhih ki nongtrei GHADC
