Shillong, Nailur 02
Ka kynhun ki ‘thei ïalehkai ka Jylla kan mih na ka nongbah ha ka sngi Balang na ka bynta ban leit shim bynta ha ka 30th Senior Women’s National Football Championship na ka bynta ka Rajmata Jijabai Trophy 2025-26 ka ban long ha Nadia, West Bengal.
Ha kane ka lympung ka Meghalaya ka la don ha ka Group-D kaba kynthup lang ïa ka Railways, Sikkim bad ka West Bengal.
Te kumta ka Meghalaya kan ïakhun nyngkong pyrshah ïa ka West Bengal ha ka sngi Saitjaiñ (6 tarik) ha D.L. Roy Memorial District Stadium.
Ka jingïakhun kaba ar kan long pyrshah ïa ka Sikkim ha ka 8 tarik bad ïa ka Railways ha ka 10 tarik.
Ka Ribansi Jamu kaba la don bynta hapoh ka kynhun ïalehkai U-20 jong ka ri India na ka bynta ka AFC U-20 Women’s Asian Cup 2026 ka ban long ha Thailand, kan mihkhmat ïa ka Jylla ha katei ka lympung ka ban long ha West Bengal ryngkat kiwei ki ‘thei ïalehkai kata ka Banrisha Wahlang, Darishisha Khar -lyngdoh, Saralin Warlar -pih, Judith Kharmuti, Baïa -hunshisha Lyngdoh Nong -bri, Ibadarihun Nongsiej, Badarishisha Kharum-nuid, Bahunlang Synrem, Ibakordor Wahlang,
Makrisha Songthiang, Cathrine Kharkongor, Mar -barin Nongrum, Nisilia Majaw, Inrilaidor Khong-thaw, Ïaphisha Marba-niang, Eiladki Ksoo, Riba -hunshisha Kharshiing, Ïaraplang Nongrum, Ibashembha Khongsit.
Ïa kane ka kynhun yn shimti kum u coach da u Kitboklang Kharkongor, Assistant coach ka Haphilabet Kharkongor, Manager ka Ibashisha Khongwet lem bad ka Physio ka Monaliza Don.
