Shillong, Nailur 02
U Superintendent of Police (SP) jong ka East Khasi Hills District, u Bah Vivek Syiem, IPS, ha ka sngi Ba-ar u la pyntip ba myn ha ka 18 tarik u Nailar, 2025 ka thanad Lumdiengjri ka la ïoh ïa ka jingujor halor ka jingshah dung injek ka khynnah skul ha ki briew kiba ym shym la ithuh satia kaba la jia ha Bible Society of India, Jaiaw.
Hadien ba la ïoh ïa katei ka jingujor, la pynrung da ka case ha thanat Lumdiengjri hapoh ka kyndon 123/125 jong ka BNS. U SP u la ong ba ki pulit ki la pynlong ïa ka jingtohkit kaba bniah ha kaba la peit bniah ïa ki sabut baroh, bad la ai ïa ki jingthoh lane statement sha ka ïing kashari.
Hynrei u SP u la ong ba katkum ki jingtohkit, la shem ba kam shym la don satia kaba kum katei ka jingjia shah dung nar injek kumba la kynnoh ha ka ejahar.
Shuh shuh u la ïathuh ba katkum ki kyndon aiñ, ïa ka ‘final report’ halor kane ka bynta yn sa phah sha ka ïingkashari kaba dei khmih.
