Kane ka poikha poiman bar jylla ne bym dei para Khasi ka la kharoi palat ha Bri u 7 trep. Lada ym don aiñ ban tehlakam kane ka jingkharoi ki khun shiteng na ki kpa bym dei Khasi ka lah ban tyllep ïa ka tynrai u symbai Khasi paka. Ka jaitbynriew kan jah noh ka snam ka ksuid nylla ka jaitbynriew. Hooid ka shongkha shongman ym lah ban khang hynrei dei ban don ka aiñ tehlakam ïa kane ka jingkiew bad kharoi ki khun na ki kpa bym dei Khasi nylla. Lym kumta ka long lehnohei ka jingpyrta ieit ri bad ieit jaitbynriew. Haba ka jaitbynriew Khasi nylla kan duh kan dam na ka jingkharoi ki khun ba ïoh symbai na ki kpa bym dei Khasi. Kane ka pynhiardor bad pynpohdor ïa u symbai tynrai u thied snam ka jaitbynriew Khasi – pnar. Namar haba thung shriew ym dei ban mih da u phan kumba ong mano – re. Ki khun na ki kpa bym dei Khasi ki la roi ha kylleng ka Bri u 7 – trep, 7 – skum. Haba shim na ka snam bad u symbai kine kim dei ki Khasi watla ki ai jait jong ka kmie. Ki long kum ki lymbit kiba don bniat kum ki mrad bad ki don sner kum ki sim. Kumta la idonkam ban don ka aiñ ban pynïapher bad pynkyrpang ïa ki na ki Khasi tynrai. Hooid ngi pdiang ïa ki kum ki Khasi half blood bad ym dei pat ban ai jait kmie ïa ki. Dei ban shu tang jait ïa ki kum ïa ki khun na ka kmie Khasi kaba ïoh lok ïa u dkhar. Ngim beiñ ïa ki hynrei dei ban pynkyrpang ïa ki khlem pynïakhleh lang ïa symbai nongwei nongar bad u symbai Khasi – pnar.
C. B. Iawphniaw
