Shillong, Nailur 03
Ka Kynhun Myntri jong ka Sorkar Pdeng ba la pynïaid da u Myntri Rangbahduh ka ri u Narendra Modi ha ka sngi Balang ka la mynjur ïa ka Incentive Scheme kaba T.1500 klur ban kyntiew ïa ka bor ban pyndonkam biang ha ka ri na ka bynta ban pynïakhlad bad pynmih ïa ki marpoh khyndew kiba kongsan na kiwei kiwei ki tyllong.
Kane ka skhim ka long shi bynta jong ka National Critical Mineral Mission (NCMM), kaba thmu ban tei ïa ka bor hapoh ka ri bad ka jingpynbiang ïa ki marpoh khyndew kiba kongsan. Ka jingpynmih marpoh khyndew ba kongsan kaba kynthup ïa ka jingwad, ka jingdie lilam bad ka jingpyntreikam ïa ki par, bad ka jingshim ïa ki jingdon jingem nabar ri, ka donkam ïa ka por shwa ba kin lah ban pynbiang ïa ki marpoh khyndew kiba kongsan sha ka karkhana jong ka ri. Ka lad kaba biang ban pynthikna ïa ka jingpynneh pynsah ïa ka jingpynbiang ha ka samoi ba jan ka long lyngba ka jingpyndonkam biang ïa kiwei kiwei ki tyllong mar.
Kane ka Scheme kan don ka samoi treikam kaba hynriew snem naduh u snem mang tyngka 2025-26 haduh u snem mang tyngka 2030-31. Ki mar ba lah ban ïoh ki long ki jaboh e-waste, ki jaboh ba la bret na ki Lithium Ion Battery (LIB), bad ki mar ba la bret lait na ki e-waste & ki jaboh LIB nuksa, ki catalytic convertor ha ki kali kiba la jan duh. Ki nongïoh jingmyntoi ba la khmih lynti kin long ki nongpynthymmai kiba heh, kiba la skhem, bad kumjuh ruh ki nongpynkylla dur kiba rit, ki nongpynkylla dur kiba thymmai (kynthup ïa ki start-up), na ka bynta jong ki la buh kyrpang kawei na ka lai bynta jong ka jingpynlut jong ka skhim. Ka Scheme kan treikam na ka bynta ki jingbei tyngka ha ki unit kiba thymmai bad kumjuh ruh ban pynheh ïa ka bor / pynthymmai bad pynpher ïa ki unit kiba la don lypa. Ka Scheme kan ai jingmyntoi ïa ka jingpyndonkam biang ïa ki mar kaba don bynta ha ka jingtih ïa ki marpoh khyndew kiba kongsan, bad ym ïa ka kam kaba don bynta tang ha ka jingpynmih bun ki marpoh khyndew.
Ki jingai jingmyntoi hapoh ka skhim kin kynthup ïa ka jingïarap Capex kaba 20% ha ki karkhana & ki mashin, ki tiar bad ki jingdonkam ba ïadei bad kane ban sdang ïa ka jingpynmih hapoh ka por ba la buh, hadien kata ka jingïarap ba la pynduna ka lah ban treikam; bad ka jingïarap Opex, ka ban long ka jingai jingmyntoi ïa ki jingdie kaba nang kiew ha ka snem ba sdang (FY 2025-26) kata 40% na ka jingïarap Opex kaba dei hok ha ka snem kaba 2 bad kaba sah 60% ha ka snem kaba 5 naduh u snem mang tyngka 2026-27 haduh u snem mang tyngka 2030-31 halor ka jingkot sha ki jingdie ba la buh kyrpang. Khnang ban pynthikna ïa ka jingbun ki nongïoh jingmyntoi, ka jingai jingmyntoi baroh (Capex ryngkat bad ka jingïarap Opex) na ka bynta kawei ka jaka kan long hapoh ki pud kaba long T.50 klur na ka bynta ki jaka treikam ba heh bad T.25 klur na ka bynta ki barit, hapoh jong kane yn don u pud na ka bynta ka jingïarap Opex kaba T.10 klur bad T.5 klur.
Ha kaba ïadei bad ki jingmih ba kongsan, la khmih lynti ba ki jingai jingmyntoi jong ka Skhim kin pynmih ym duna ïa ka 270 kilo ton ka jinglah ban pyndonkam biang ïa ki mar ha ka shisnem kaba pynmih ïa ka jingpynmih marpoh khyndew kaba kongsan kumba 40 kilo ton ha ka shisnem, kaba wanrah kumba T.8,000 klur ka jingbei tyngka bad plie ki lad ïoh kam haduh 70,000 tylli. La pynlong katto katne sien ki jingïamir jingmut bad ki karkhana bad kiwei kiba don bynta ha kane ka kam lyngba ki jingïalang ba kyrpang, ki seminar, bad kiwei kiwei shwa ban thaw ïa ka skhim.
