Shillong, Nailur 03
Ka North Eastern Council (NEC) kala pyllait ïa ka song pisa ba T.9,58,86,765 jong u bnai Nailar ban pyntrei ïa ki project bapher bapher ha Meghalaya.
Na kane, T.4,47,30,000 la pyllait ban shna ïa ki 20 tylli ki ïew Nongrep bala mang mar T.50 lak kawei, T.4,45,50,000 la pyllait ban shna ïa 10 tylli ki ïew nongrep ba la mang mar T.1klur kawei, T.17,19,765 sha ka Community Development Programme ki Tiwa (Lalung) Ri Bhoi district, C&RD Block, Umsning bad T.48,87,000 – ban shna ïa ka ïingskul ha Mawthadraishan, West Khasi Hills district.
Ka NEC kala pyllait ruh ïa ka song pisa ba T.51.178 lak na ka bynta ki skill training ha ka Animation, Visual Effects, Gaming, Comics (AVGC) bad IT-ITES sectors.
Ïa kane ka projek la mynjur ha ka 8 tarik Nailar, 2025 bad yn pyntrei ïa ka da ka North Eastern Region Community Resources Management Society (NERCORMS), Shillong.
