Jowai, Nailur 05
Ka Mookyrdup, Loomionkjam, Pasyih Cultural SC bad Giovento Mynsoo kila khur jingjop haka jingïalehkai 3rd Division bad 2nd Division Football Tournament ba la pynïaid da ka West Jaintia District Sports Association (WJDSA) ha madan Kiang Nangbah Stadium, Jowai ha ka 5 tarik Nailur.
Ha ka jingïalehkai 3rd Division, ka Mookyrdup kala jop da 1-0 kol ïaka Pynthorlangtein lyngba ka kol ba la thep da u Niwan o Lamare (65).
Ka Loomiongkjam kala pynrem ïa ka West Madan Mustem da 2-1 kol. Ïa ki kol ka Loomiongkjam la thep da u Khroo Laloo (30 & 46). Katba ïa ka kol jong ka West Madan Mustem la thep da u Suni oo Tariang (50).
Ha kawei pat ka jingïalehkai ka Pasyih Cultural SC kala pynliem ïa ka Pammanik SC da 2-1 kol. Ïa ka kol jong ka Pammanik la thep da u Jamis Talang (8), katba ïa ki kol jong ka Pasyih Cultural la thep da u Prechek Bang (47) bad Seiborlang Dkhar (58).
Ha ka 2nd Division, ka Giovento Mynsoo kala pynliem ïa ka Moosalyngkat SC da 1-0 kol lyngba ka kol ba la thep da u Albert Lyngdoh (55).
