Ka Tingkur ka dei ka bynta jong ka shongkha shong-man bad ka la don naduh mynshuwa ki kpa tymmen. ka tingkur ka ioh bynta ïa u symbai ka shongkha shongman. Hato ka shongsuk ba baroh ki khun ki ksiew pateng la pateng kin ai jait beit ïa ka jait jong ka kmie ? Lada ka kmie ka dei na ka jait Diengmet. Hato ki khun pateng la pateng kin ai, baroh ïa ka jait Diengmet jong ka kmie. kane ka bym lah long ïa u symbai bapher bapher yn pynlong khleh lang bad ka jait kmie. Namar ki khun ki ioh ïa ka long-rynïeng na ki symbai bapher bapher bad kam shonghok ba baroh ki khun ki ksiew pateng ynda ki la ioh briew kin ai ïa ka jait ka kmie.
Ki khun ki ioh na ki symbai (kpa) bapher bapher na la ki jong ki tnga (kpa) Don ba ioh kpa Bengali kiba ioh kpa Negro, kiba ioh kpa Madrasi, kiba ioh kpa Bengali kiba ioh kpa Negro, kiba ioh kpa Punbabi, kiba ioh kpa Naga, kiba ioh kpa Mizo lyngba ki tnga kiba long ki kpa jong ki khun. Te kine baroh ki khun bad ki pyrsa ki ioh symbai na ki kpa ba ïapher. Kumno keiñ kin shim bad kin ai jait beit sha ka Kmie. Haba ka jait jong ka kmie ka dei ka jait Diengmet.
Hato kane kam pynbyrsieh ïa ka longkur longjait haba u symbai u ïapher. Kane ka la wanrah ïa ka sang ka ma ha ka longkur longjait. Dei kane ka daw ba u longshuwa u khot ïa kiba don jingïadei lyngba ka shongkha shongman da ka kyntien ïa tingkur bad kita ki jait kiba la don jingïadei lyngba ka shongkha bad ki khun ki pyrsa jong ka kmie kaba dei ka jait Diengmet. Mynta ki por ruh bun ki longïing kiba ioh ïa ki shongkha bapher bapher. Shu buh nuksa kawei ka longïing ka don khun 4ngut ki khun kynthei kiba la samla ka rta. Te kine ynda ki la shongkha ki ioh ïa shongkha bad ki jait bapher. Kawei ka ioh ïa ka jait ‘A’ kawei ka ioh ïa ka jait “B”.
Te kine shipara ruh kim ïa ioh ïa ujuh u jait ne u symbai, ki la ioh ïa u jong u jong u tnga. Dei kane ka jingïadei jan ha ka liang ka shongkha shongman bad ka jait ka kmie. U longshuwa u khot ba ka dei ka jingïateh kur ne ka tingkur keiñ bad ka jait A, B, K,D. Kumno mih ka ïa tingkur ha ngi ka jaitbynriew Hynñiewtrep. Ka ïa tingkur kam dei shi kur ne shi jait la shu ïa sngewjan namar ka shongkha shongman keiñ. Ka long kumjuh ka tingkhun ki shim ïa ki khun jong kiwei ki jait ym dei na ka snam ka nongshim bad ri bad sumar ïa ka khun ba shu tingkhun.
C. B. Iawphniaw
