Shillong, Nailur 05
Ka Dubakh Sports Pvt. Ltd. kan pynlong ïa ka lympung ïalehkai basketball ba la tip kum ka ‘Shillong Inter School Basketball’ ha kaba kan sdang ha ka sngi Saitjaiñ (6 tarik) ha Pearly Dew H.S.S, Jaïaw Laitdom, Shillong naduh ka por 8 baje mynstep.
Ha kane ka lympung kin don phra tylli ki kynhun ki ban wan shim bynta bad yn phiah ïa ki ha ki ar tylli ki group na ka bynta ban ïaknieh na ka bynta ban bat ïa ka kyrdan ba hakhlieh. Ha ka Group-A ki long ka Mizo modern H.S.S, St Edmunds ISC, Mawkhar Christian bad ka Jaïaw Presbyterian, katba ha ka Group-B ki long ka Pearly Dew H.S.S, Jaïaw Presbyterian, Dinet Manik Memorial bad ka Little Flower H.S.S.
Haba kren hadien ba la wai ka jingïalang bad ki manager jong ki kynhun, ki bor pynïaid ki la pynpaw ïa ka jingsngewskhem ba kane ka lympung ym tang ba ka wanrah ïa ka mynsiem ïakhun, hynrei ka pynkhlaiñ ïa ka jingïalehkai basketball ha kane ka nongbah.
Te kumta ki la khot sngewbha ïa ki paidbah nongpeitkai, kiba haïing hasem bad kiba sngewtynnad ïa kane ka jingïalehkai na ka bynta ban ai jingkyrshan ïa kine ki kynhun.
