Shillong, Nailur 05
Khyrwit u Donlad Diengdoh da ka hat-trick na ka bynta ka Langsning da lai tylli ki kol ha ka minit ba 41, 44 & 59, kaba pynlong ruh ïa ka kynhun ban jop kput da 6-0 kol ïa ka Sawmer ha ka lympung Shillong Premier League 2025 ha ka jingïalehkai kaba la long ha ka 05 tarik Nailur ha madan SSA Stadium ha First Ground, Polo.
Nangta u Nikelson Bina ha ka minit (13′), u Richie Kharbani (66′) bad u Medingroy Makdoh (89′) ki la long kiwei pat ki nongthepkol na ka bynta ka Langsning.
U Nicolson u la pynïoh da ka penalty hadien ba u Donlad u la shah punur ha madan ha bynta ba hap hapoh ka phyllaw kol da u Khrawkupar Tamu ka Summer.
U Donald u la long u ranglehkai u ba ar ban ïoh thep lai kol ha ka jingïalehkai ha kane ka lympung hadien jong u Alem Khongwir ka Mylliem haiden ar sngi.
Kane ka jingjop ka la kyntiew ïa ka Langsning ha ka kyrdan ba-ar ha ka thup ïalehkai da kaba kamai 7 poiñ, kaba ïaryngkat bad ka Shillong Lajong hynrei da ka jingïapher kol kaba khambha (+9 haduh +7). Ka jingshah rem kput jong ka Sawmer ka pynhap noh ïa ka sha ka kyrdan ba khyndai katkum ka jingïapher kol kaba kham duna. Ki don 3 poiñ, ki ïakhaid bad ka Laitkor bad ka Malki hynrei ka don ka jingïapher kol kaba long -12, haba ïa nujor bad ka Laitkor kaba kamai -1 bad ka Malki kaba kamai -7.
Lashai ka sngi ka Nongrim Hills kan iakhun pyrshah ïa ka Laitkor ha ka por 4:30 janmiet.
