Shillong, Nailur 05
U Lionel Messi u la thep ar sien kol katba u Lautaro Martinez u la pynbun ïa ka jingthep kol jong u ha kaba ka Argentina ka la pynliem ïa ka Venezuela da 3-0 kol ha ka jingïalehkai Qualifier jong ka FIFA World Cup 2026. Katba u Messi um pat pynbna ei-ei ha kaba ïadei bad ka jingshongthait ka kam ïalehkai jong u, hynrei ka lah ban long ba kane ka dei ka jingïalehkai kaba khatduh jong u ha la ïing. Ka Argentina ka don ha khlieh duh ha ka miej ïakheiñ poiñ haba phai sha ka jingïakhun ïakhun ïa ka FIFA World Cup 2026 CONMEBOL da kaba kamai 38 poiñ (ka jop 12 sien, ïakhaid 2 sien bad rem 3 sien). Ki la dep ban book ia ka jaka jong ki ha ka World Cup. Katba ka Venezuela ka don ha ka kyrdan kaba hynriew da kaba kamai 18 poiñ ha kaba ki 6 tylli ki kynhun kiba hakhmat eh ki ïoh ban rung beit sha ka World Cup.
Haba phai pat sha kiwei ki khynun ka Uruguay ka la ïoh rung sha ka World Cup 2026 da kaba jop ïa ka Peru da 3-0 kol ,ka Colombia bad ka Paraguay ruh ki la ïoh jaka ha ka World Cup 2026 .
