Guwahati, Nailur:
Ki pulit ka Assam ki la pynkynriah noh ïa ki 13 ngut ki nong Bangladesh kiba la shah kem ba ki rung beaiñ lyngba ka Barpeta distrik, la pynbna u Myntri Rangbah ka Jylla u Himanta Biswa Sarma ha ka 3 tarik u Nailur. Kane ka jingpyntreikam ka la long shi bynta jong ka jingïakhun jong ka sorkar pyrshah ïa ka jingrung beaiñ jong ki bar ri.
U Sarma u la ïasam ïa ka jingpynbna ha ka rynsan X, da kaba thoh, “Katba ki don kiba ïadei bad ki Kangaroo, ngi hap ban ïakhun bad…. La kumno kumno, ka jingpahara jong ngi ka dang khlaiñ bha namar ngi la pynphai biang sa 13 ngut ki nongwan rung be-aiñ, kiba la shah kem ha Barpeta, sha Bangladesh.
U Myntri Rangbah ka jylla u la pyndonkam bunsien ïa ki Social Media ban pynpaw ïa kum kine ki jingleh.
Ha ka sngi Balang, u la ong, “Bunsien kawei ka bynta jong ki briew ki klet shano ka ïing trai jong ki ka don bad ki ïaid sha kane ka liang jong u pud u sam, hynrei namar ba ngi long ka ri kaba sngewrit, ngi pynphai pat ïa ki. Ki la don kumba 24 ngut ki nong Bangladesh kiba la shah pynphai biang ha kane ka sngi. Sa leit suk!”
Kham hashwa, ha ka 30 tarik u Nailar, u la kynthoh, “Mynta ngi don ha ka bynta jong ka jingrung beaiñ: Ki pulit ka Assam ki ïalam ïa nga sha ïing, sha ka jaka ba nga dei trai. Sa 33 ngut ki nongwan rung be-aiñ ki la shah pynkynriah biang sha ka jaka ba ki dei trai sha Bangladesh. Da husiar, ka jingïakhun jong ngi ka dang ïai bteng bad ngin sa ïai bteng ha kine ki sngi ban wan.”
Nalor ka jingpahara khappud, ka sorkar Assam ka la pynjur ïa ki jingpynkynriah briew da kaba thmu ïa ki nongshong shnong kiba sah beaiñ ha ki jaka jong ka jylla. Katkum ka jingkheiñ jong ki bor sorkar, palat 1.29 lak ki Bigha ki jaka ba la shah ktah la dep ban pynkhuid. Kine ki jingpynbna ki kynthup ïa ki jaka sorkar, ki jaka khlaw, ki Village Grazing Reserves (VGRs), ki Professional Grazing Reserves, ki Satra, bad ki Naamghar.
U Sarma u la pynpaw biang ba baroh kum kine ki jingpynthut yn weng noh da kaba treikam ryntih. “Ka sorkar kan sa pynkhuid lut ïa baroh ki jingrung beaiñ ha VGR, PGR, Satras, Naamghar, bad ki jaka khlaw ha kylleng ka jylla ha ka rukom kaba ryntih bad ki bynta ba la buh lypa,” u la ong.
Ha u bnai ba la lah, u Myntri Rangbah ka jylla u la leit jngoh ïa ka Uriamghat kaba don ha Golaghat distrik, ha kaba la dep ban pynmih ïa ki jingpynbna ban pynkynriah shnong.
U la kdew ba da ki hajar tylli ki Bigha ki don hapoh ka kam kaba long da ka lynti ba beaiñ, ha kaba don ki longïing kiba bat haduh 300 haduh 400 ki Bigha na ka bynta ban pyndonkam ha ka kam khaïi.
Da kaba pynpaw ba ka sorkar kam lah ban shu sngap jar, u Sarma u la ban jur ba ka jingleh kaba kham bniah ka long kaba ym lah ban kiar bad u la khot ïa ki paidbah ban kyrshan ïa ki lad ki lynti kiba dang pyntreikam.
