Shillong, Nailur 07
Ka Myntri ka Sorkar Jylla, ka Dr. M. Ampareen Lyngdoh ha ka Sngi Saitjaiñ ka la ong ba ka Sorkar kan sa khmih bniah ïa ki mat treikam jong ka ha kaba ïadei bad ki kyndon ïada hadien ka jingshah kem ba dang shen jong ki briew kiba leh mynleh pyrthuh kum ki bor jong ka aiñ bad ka jingïoh kurup ïa ki ‘Airgun’ najan Secreta-riat.
“Da kane kawei ka jingpaw pyrthei, lehse mynta kum ka Sorkar, la pynbor ïa ngi ban phai khmat sha ki mat treikam kiba la don bad ban khmih bniah noh kloi ïa ki katba lah,” ka la ong.
Haba pynskhem halor ka jingdonkam ban pynkut noh ïa ka kolshor jong ki ‘riew shimet kiba pynpaw pyrthei ïa ki tiar pahara kiba hap ban buh jingkylli, ka Dr. Lyngdoh ka la ong ba ka Sorkar ka dei ban khanglad noh ïa ki rukom pahara thok bad ban pyntikna ba ki nongshong shnong kin ym shah ïalam bakla ha kum kine ki jingpynpaw pyrthei.
“Ngi hap ban pynsangeh noh ïa kane ka kolshor bad ban kem mardor. Ngi dei ban khanglad ïa ki kyrdan ‘Z’ kum ki kyrdan ‘Z’, ki kyrdan ‘Y’ kum ki kyrdan ‘Y’. Ym dei ban don jingkulmar jingmut ha ki paidbah jong ka jingbuhrieh haba ïadei bad ka jingsngewthuh ïa ka aiñ bad ki kyndon pahara kiba ki nongshong shnong ki lah ban ïoh,” ka la ong.
Na ka liang ka Myntri ka la ai ka jingïaroh ïa ki pulit kiba la shimkhia mardor ban thad madan ïa katei ka jingpyrshang ban leh thok.
“Ki pulit ki la leh ïa ka kam kaba dei ban pynpaw pyrthei ïa kane ka jingjia baroh kawei,” ka la ong bad bynrap ba u Symbud Myntri Rangbah ka Jylla ba dei peit ïa ka tnad kam pohïing un sa ai jingkren na ka liang jong u ynda la dep pynkhreh ïa ka kaiphod.
