Jowai, Nailur 08
Ka Lumsliarsliar Mupliang, Iooksi YSSC, Mookaswan Dongnein SC ki la khur jingjop ha ka lympung ïalehkai 3rd Division Foot-ball Tournament (5th Adel-bert Laloo Memorial Tro-phy) ba la pynïaid da ka West Jaiñtia District Sports Association (WJDSA) ha ka lah sngi U Blei.
Ha kane ka jingïaleh-kai kaba la long ha Kiang Nangbah Stadium, Jowai, ka Lumsliarsliar Mupliang ka la pynliem noh ïa ka YSW Pynthorlangtein da 2-0 kol. Ïa kine la thep da u Spain Rymbai (38) bad Sambha Sna (63).
Ha ka jingïalehkai kaba bud, ka Iooksi YSSC ka la jop da 3-0 kol ïa ka Lion SC Club. Ïa kine la thep da u Pyrkhat Paslein (24), Wompher Tangliang (38), bad Sammaïa Sumer (60).
Ha kawei pat ka jingïalehkai hapdeng ka Tpep Pale bad Saiñdur Mihmyntdu SC ki la ïasam mar shi poiñ hadien ba kim shym la lah ban pynkhih jar.
Katba ka Mookaswan Dongnein SC ka la pynliem noh ïa ka Loomiong-kjam da 2-1 kol. Ïa ki kol na ka Mookaswan Dong-nein la thep da u Pyrkhat Shylla (13) bad u Lastborn Phawa (64), katba na ka Loomiongkjam la thep da u Emdor Lamar (39).
