Shillong, Nailur 08
Ka kynhun ki ‘thei ïalehkai ka Jylla ka la mad biang ïa ka jingshah rem kaba ar ha ka 30th Senior Women’s National Football Championship na ka bynta ka Rajmata Jijabai Trophy 2025-26, hadien ba ka la shah pynliem sa ha ka Sikkim da 2-1 kol ha ka lah sngi U Blei ha D.L. Roy Memorial District Stadium kaba ha Nadia, West Bengal.
Ha ka jingïalehkai kaba nyngkong, ka Meghalaya hapoh ka jingïalam u Bah Kitbor Kharkongor ka la shah rem da 0-7 kol ha ka West Bengal.
Ha kane ka jingïakhun ka Meghalaya ka la shah rem haduh ar kol ha ka kylla step lymgba ki kol ba la thep da ka Simran Gurung (43′ & 39′), hynrei ka Meghalaya ka la lah ban pynphai kylla lyngba ka Inrila I-dor Khongthaw (64′) hashwa ba kan mad ïa ka jingshah rem.
Te kumta ka Meghalaya kaba la don ha ka Group-D, kan pynkhreh ïa ka jingïalehkai kaba khatduh pyrshah ïa ka Railways ha ka 10 tarik.
