Jowai, Nailur 09
U Nedi Chyrmang ula khyrwit da ka hat-trick na ka bynta ban pynlong ïa ka Riatsaliya Mihmyntdu ban pynliem noh ïa ka Mookaswan Dingean SC da 7-1 kol ha ka 3rd Division Football Tournament (5th Adelbert Laloo Memorial Trophy) ba la pynïaid da ka West Jaiñtia District Sports Association (WJDSA) ha ka sngi Ba-ar ha Kiang Nangbah Stadium, Jowai.
Ha kane ka jingïakhun, u Nedi Chyrmang u la ïoh ha ka minit 26, 29 & 35+1, ha kaba la bynrap sa ka kol ba la thep da u Neviki Phawa (9), Marlangki Chyrmang (11), Ekune Chyrmang (49) bad Bary Lyngdoh (60). Katba ïa ka kol jong ka Mookaswan Dongwah la thep da u Teimi o Ryngkhlem (71+1).
Ha kawei pat ka jingïakhun, ka Umshangiar ka la pynliem noh ïa ka Catholic Youth Mihmyntdu lyngba ka jingïarap pynthep da u rangïalehkai ka liang pyrshah u Rajesh Dkhar ha ka minit kaba 56.
Ha kawei pat ka jingïalehkai, ka Mookymphad Mihmyntdu ka la jop da 3-1 kol ïa ka Loompyrdi Ïongpiah.
Haba phai sha ka jingïalehkai jong ka 2nd Division Football Tournament (8th Debo Shullai Memorial Trophy), ka Khliehmyntang Ïalong ka la jop da 2-0 kol ïa ka Luti tuber Social Welfare. Ïa kine la thep da u Bashan Pale (50) bad u Jaymz Bryan Pale (64).
