Shillong, Nailur 09
Ki don 529 ngut ki briew kiba la khlad noh na ka daw ka jingñiah kali khlem akor ne buaid ha ka Jylla ha kine ki 5 snem ba la dep.
Kane ka long katkum ka jingtip ba la wanrah hapoh Ïingdorbar da u Symbud Myntri Rangbah ka Jylla ka tnad kam pohïing, u Bah Prestone Tynsong ha ka Sngi Ba-ar.
Kane ka jingitp ka la pynpaw ba 474 ngut na kiba ïap ki dei namar ka jingñiah kali khlem akor, katba 55 ngut pat ki dei namar ka jingñiah kali ynda la shoh u khawiang.
Haba phiah ïa ki jingkheiñ katkum ki snem, u Bah Tynsong u la pyntip ba ka jingïap namar ka jingñiah kali khlem akor ka long 73 ngut ha u snem 2025, 129 ha u 2024, 94 ha u snem 2023, 96 ha u snem 2022, bad 82 ngut ha u snem 2021.
Katba na bynta ka jingñiah kali buaid, la ïathuh ba ki don 4 ngut kiba ïap ha u snem 2025, 12 ngut ha u snem 2024, 9 ngut ha u snem 2023, 7 ngut ha u snem 2022, bad 23 ngut ha u snem 2021.
