Shillong, Nailur 09
Ka Sohryngkham SC ka la khur ïa ka jingjop ha ka lympung ïalehkai 2nd Division Football League 2025 ba la pynïaid da ka Shillong Sports Associa-tion (SSA), hadien ba ka la pynliem noh Sohryng-kham) da 2-1 kol ha ka sngi Ba-ar.
Kane ka nam jop ka la wan urlong lyngba ki kol ba la thep da u Daïomiki Kharpran bad u Pynshong -dor Pyngrope hashwa ba u Edelbert Khongshun un thep kol nyngkong na ka bynta ka PFR.
Ha kane ka jingïa-khun baroh ar ki kynhun ki la pyrshah ban ïakhun tyngeh naduh kaba sdang, hynrei kim shym la ïoh ban pynkhih jar. Dei ha ka kylla miet ba ka PFR ka la ïoh ban thep kol nyngkong lyngba u Edelbert ha ka minit kaba 68.
Hadien katto katne por ka Sohryngkham ka la pynïakhaid kylla lyngba u Daïomiki ha ka minit kaba 74 bad ïa kawei pat ka kol ka la thep hashwa ban wai lyngba u Pynshongdor (86) na ka bynta ban khur syndon ïa ka jingjop.
Ka jingïalehkai ha ka sngi Balang kan long hapdeng ka Mawpat SC pyrshah ïa ka Mylliem Lum ha ka por 1:30 mynsngi.
