Shillong, Nailur 09
Na ka jingjur u lapbah ha ka miet 8 tarik, ka la don ka jingtwa khyndew bad khyllem ki dieng bad hap ki maw ha ka surok Shillong ba hiar sha Ribhoi, kaba la pynlong ban jia ka jingdheng kali kaba jur ha ka step ka ba bud.
Katkum kan jingïoh lum khubor, la antad ba kane ka jingtwa khyndew ka la jia hapdeng ka jingther u lapbah ha ka miet synnia ka sngi nyngkong, ki kali kiba hiar na Shillong sha Ri-Bhoi bad kumjuh ruh kiba wan kiew na Ri-bhoi sha Shillong ki la mat ka jingdheng kali bad hap phai ban leit iaid na ka surok Mawlai Umrynjah-Umroi.
Ki bor ba dei khmih tang mar ïa ioh jingtip ki la hiar wut sha katei ka jaka ban weng weng ïa ki dieng, ki maw bad ka khyndew ba tap ïa ka surok, khnang ba kan ym pynthut ïa ki paitbah nongleit nongwan.
Ha kane ka jingjia twa khyndew kam shym la don kano kano ka jingjia ba sngewsih namarba ka jingtwa khyndew ka jia haka por miet, ba duna ki nongleit nongwan.
