Jowai, Nailur 10
Ka Kyndongtuber SC, Myrjai SC, Pateinki Sabah -muswang bad Lumpyr -tuh Mihmyntdu ki la khur jingjop ha ka 3rd Division bad 2nd Division Football Tournament ba la pynïaid da ka West Jaiñtia District Sports Association (WJDSA) ha ka sngi Balang ha Kiang Nangbah Sta-dium, Jowai.
Ha ka jingïalehkai jong ka 3rd Division, ka Kyndongtuber SC ka la pynliem noh ïa ka Mooknor Nangbah SC da 3-0. Kane ka nam jop ka la wan urlong lyngba ki kol ba la thep da u Pharki Chyrmang ha ka minit kaba 6 bad ïa kiwei pat la thep da u Medawan Phawa (48 & 67).
Ha ka jingïalehkai kaba bud, ka Myrjai SC ka la jop da 2-1 kol ïa ka Lumpariat SC. Ïa ki kol jong ka Myrjai SC la thep da u Treilang Kyndait ha ka minit kaba 10 & 13, hynrei ka Lumpariat la thep da u Skemlang Phai (62).
Ha kawei pat ka jing-ïalehkai ka Pateinki Sabah -muswang ka la jop da 2-1 kol ïa ka SCSC Nong-latem. Ïa ka Pateinki Sabahmuswang la thep da u Dameshwa Dkhar ha ka minit kaba 35 bad u Kyr-shan Phawa (68), katba na ka SCSC Nonglatem la thep da u Pial Langshiang (16).
Ha ka 2nd Division, ka Lumpyrtuh Mihmyntdu ka la pynliem ïa ka Loomsooiung Newhill da 2-0 kol bad ïa kine la thep da u Arwanki Rymbai ha ka minit kaba 33 & 58.
