Qatar, Nailur:
Ka UN Security Council ha ka Sngi Balang, ka la shong jingialang kyrkieh kum shi bynta ban ïa pyrkhat kam halor ka jingleit thombor jong ka Israel ïa ki heh jong ka Hams kiba don hapoh Qatar.
Ia katei ka jingialang la pynbeit ba kan long ha ka por kumba 3:00 Nohphai Sngi hapoh ka nongbah New York bad ïa kane ka jingialang la khot da ka Lageria bad ka Pakistan, napdeng jong kiwei ki ri ki bym da paw kyrteng bad kiba dawa ïa ka UN ba ka dei ban leh eiei noh ban pynsangeh ïa ka jingiakynad ha ka pyrthei, hashwa ba kan poi sha ka thma bah kumba ka la jia teng ha ki por barim.
Namar la ong ba ka thma jong ka Israel, ka la wanrah jingma shibun eh ha kane ka por mynta, ha kaba ka Israel kam map shuh ïa ki nongialam ka Hams wat kito kbia leit phet sha kiwei ki ri ruh, ka leit khynra bad leit hiar thma khlem da salia ïa ki kyndon bad ki aiñ jong kitei kiwei pat ki ri.
Namarkata, la ong ba ka jingleh jong ka Israel ha kane ka por, ka la wanrah jingma shibun, ha kaba kitei ki ri ba marjan ki lah ban bitar bad kput kylliang ïa ka jingleh jong ka Israel. Katba, ki paralok jong ka Israel pat kum ka India, kin hap ban pyrkhat arsien lada kane kan wan jia ïa ka Israel.
Kumta, la ong ba kane ka jingleh jong ka Israel ha kane ka por, ka la wanrah jingeh ïa kiba bun ki ri, ym tang ïa ka Hamas ne ka Palestine.
Dei kane ka daw, kaba la pynlong ïa ka UN Security Council ba kan hap ban shong jingialang kyrkieh ha katei ka sngi ban tehlakam ïa kane.
