Shillong, Nailur 10
Ka Ïingbishar jong ka Uttarakhand ha ka sngi Ba-ar ka la pynmih jingpynbna sha ka BCCI ban wad ïa ka jingshisha halor ka jingkynnoh ba la pyndonkam bakla ïa ka pisa sorkar kaba long T. 12 klur da ka Cricket Association of Uttarakhand (CAU) bad katei ka pisa ka dei na ka bynta ban pynlong ïa ki lympung ïalehkai.
Ki nongmudui ki la kdew ïa ka kaiphod jingpeit bniah jong ka CAU, kaba la pynlong da u chartered accountant nabar, kaba la kdew ïa ka T. 35 lak kum ka “jingpynlut ban pynbiang ïa ka kait na ka bynta ki nongïalehkai.”
Ka ‘single bench’ jong u nongbishar u Manoj Kumar Tiwari ka dangbishar ïa ki jingujor ba bun jait ba la mudui da u Sanjay Rawat uba shong ba sah ha Dehradun bad kiwei kiwei kiba la dawa ban tohkit halor ka kaiphod jong ka kheiñ ka diah jong katei ka Synjuk na ka bynta u snem mang tyngka 2024-25.
Ka kaiphod jong ka kheiñ ka diah ka pyni ba T.6.4 klur la siew sha ka jingpynïaid ïa ki jingïalehkai bad baroh T. 26.3 klur la pynlut ha ki jingïalehkai bad ki jinglut jingsep. ha ka jingpyrshang ka la kiew na ka T. 22.3 klur ha u snem mang tyngka ba la dep.
