Kohima, Nailur:
Ka seng kaba bat ïa ka jingsynshar ha Nagaland ka Nationalist Democratic Progressive Party (NDPP) kan shim ïa ka rai kaba khatduh halor ka jingthmu ban pynïasoh bad ka Naga People’s Front (NPF) ha ka jingïalang jong ka Central Executive Board ha ka 12 tarik u Nailur, la pynthikna ki nongïalam ka seng.
Ki nongïalam bad ki dkhot jong ki kynhun seng ba hakhmat eh jong ka NDPP ki la dep ban ïoh ïa ka jingpynshai kaba khlem pud halor kane ka kam, ïa kaba yn sa ïakren bniah ha ka jingïalang ban wan. Ki nongïalam ki la pynpaw biang ba kano kano ka rai kan bud ïa ka Riti synshar jong ka seng.
Ka NPF’s Central Executive Council, ha ka rai ba la mynjur ha ka sngi Saitjaiñ, ka la kyntu ïa u Myntri Rangbah ka jylla, u Neiphiu Rio, ba un pynïasoh biang bad ka seng, da kaba khot ïa ka jinglong nongïalam jong u, ba ka long kaba kongsan bha na ka bynta ka lawei jong ka bad na ka bynta ki jingmyntoi ba kham bun jong ki paid Naga.
