Jowai, Nailur 11
Ka Nongkhroh Rim ka la pynliem noh ïa ka Pohskur Phlong Ïngkhaw da 3-1 kol na ka bynta ban khur jingjop ha ka Super Division Football Tournament ba la pynïaid da ka Thadlaskeiñ Sports Association (TSA) ha ka sngi Palei ha madan Wahïajer Multi Sports Complex.
Ha kane ka jingïakhun ka Nongkhroh Rim ka la pynkhihjar tang mar ïa sdang ka jingïalehkai ha ka minit kaba 5 lyngba u Hellmi Mukhim. Kane ka kynhun ka la pynbud ïa ka kol kaba ar lyngba u Rahbok Synnad ha ka minit ba 15.
U Hellmi u la thep biang ïa ka kol kaba ar jong u ha ka minit kaba 60 jong ka kylla miet hashwa ba ka Pohskur Phlong Ingkhaw kan pynphai kylla shi kol lyngba u Jendeng Mukhim (67) bad ba kan mad syndon ïa ka jingshah rem.
Ka jingïalehkai ha ka sngi Thohdieng kan long hapdeng ka Wahïajer pyrshah ïa ka Mookyndur.
