Shillong, Nailur 11
Ka Jylla Meghalaya ka la sakhi ïa ka jingïoh ïa ka jingpang bampong (Cancer) kaba long haduh 12,405 tang hapdeng u snem 2019 haduh 2023.
Ka East Khasi Hills district ka la dei kawei na ki district kaba la bun tam kiba ïoh ïa katei ka jingpang kata kaba don haduh 5199 tylli, bud sa da ka West Garo Hills kaba don haduh 3398 tylli.
Ka West Jaiñtia Hills ka don 1127 tylli, Ri Bhoi 1036, East Jaiñtia Hills 467, Eastern West Khasi Hills 455, West Khasi Hills 416 bad ka South West Khasi Hills 307.
Ïa kane la pyntip da ka Myntri ba khmih ïa ka tnat ka Koit ka Khiah ka jylla ka Kong Ampareen Lyngdoh ha ka jubab kaba la ai hapoh ka ïingdorbar ha ka sngi Palei.
