Shillong, Nailur 11
Ka Smit SC bad ka Laitkyrhong SC ki la ïasam mar shi poiñ ha ka lympung ïalehkai 2nd Division Football League 2025, hadien ba ki la ïakhaid mar 1-1 kol.
Ha kane ka jingïakhun kaba la long ha SSA Stadium ha ka sngi Palei, ka Laitkyrhong ka la pynkhih jar nyngkong eh lyngba u Ebarlestar Pyngrope (69). Hynrei tang hadien ar minit u Nathaniel Kharbyngar u la lah ban pynphai kylla na ka bynta ka Smit na ka bynta ban ïakhaid mar shi kol.
Ka jingïalehkai ha ka sngi Thohdieng kan long hapdeng ka Tynring SC pyrshah ïa ka Sohïong SC ha ka por 11 baje mynstep, katba ka Jongksha SC ïa ka Lumshyiap SC ha ka por 1:45 mynsngi.
