Shillong, Nailur 11
U Neeraj Chopra bad u Arshad Nadeem jong ka Pakistan kin ïakhun na ka bynta ka takma ksiar ha ka jingkawang sum ha Tokyo ha ka taïew ban wan, kaba dei ka lynnong kaba khatduh ha ka jingïakhun pyrshah naduh ba ka la mih ka jingïakynad hapdeng kine ki ar tylli ki ri.
U Chopra uba long u lahduh ha ka Tokyo Olympic, bad u nongjop ha Paris, u Nadeem, kin pynkhreh ban shim bynta ha ka Athletics World Championship , na ka bynta ka jingïakynduh kaba nyngkong jong ki, naduh ba kine ki ar tylli ki la ïather namding hapdeng jong ki ha u Jymmang, kaba long kaba sniew tam naduh u snem 1999.
U Chopra, uba la ïoh ban khur ïa ka takma rupa ha ka Olympic, kata hadien ïa u nongïalehkai ka liang pyrshah ha ki snem ba la lah, u la ju kren bunsien shaphang ka jingïadei paralok jong u bad u Nadeem, wat hapdeng ki jingïakynad hapdeng ki ri jong ki.
“Ngam tharai ba kan dang ïai bteng kum mynshuwa,” la ong u Neeraj.
Hadien ba u Nadeem u la khur ïa ka takma ksiar bad u Chopra u la ïeng hajan jong u ban khur takma rupa ha Paris, ka kmie jong u Nadeem ka Raziah Parveen ka la ong: “Ka jingjop bad ka jingshah rem ka dei ka bynta jong ka jingïalehkai, hynrei ki long kum shipara.”
Ha kawei pat ka liang ka kmie jong u Chopra, ka Saroj, ka la ong ba ka la shim katto katne ka jingpyntngen ha kaba u Nadeem u la lah ban jop ïa u khun jong ka namar ba une u rangïalehkai ka Pakistan “u dei ruh u khun jong ngi”.
Hynrei ha khmat ki paidbah la kumno kumno kata ka la kylla hadien ka jingïakynad, ha kaba ki riew pawkhmat na baroh ar tylli ki ri ki la shah pynbor ban pynjngai ïalade uwei na uwei.
