Shillong, Nailur 12
U Lamphang ka Ïingdorbar Thawaiñ, u Thomas A. Sangma ha ka Sngi Thohdieng u la thung ïa ka nongmihkhmat ka TMC na Ampati, ka Miani D. Shira kum ka Chairperson ka Public Accounts Committee (PAC) jong ka Ïingdorbar Thawaiñ.
Kiwei pat ki nongmihkhmat kiba la shah thung kum ki dkhot ka PAC ki kynthup ïa u Rupert Momin, Bah Lahkmen Rymbui, Bah Balajied Synrem, Jimmy D. Sangma, S. Sangma, Bah Gavin Mylliem, Rupa M. Marak bad Bah Bah Brightstarwell Marbaniang.
U Lamphang u la thung ruh ïa u nongmihkhmat ka NPP na Mawhati, Bah Charles Marngar kum u Chairman jong ka Committee on Public Undertakings bad ïa u nongmihkhmat ka UDP na Nongpoh kum u Chairman ka Committee on Estimates.
