New York:
U Zohran Mamdani, uba dei u nongmihkhmat jong ka Democratic ban long mayor jong ka nongbah New York, ula byrngem ban kem ïa u Myntri Rangbahduh jong ka Israel, u Benjamin Netanyahu, lada u rung ha katei ka nongbah, katba u dang don ha ka kam. U Mamdani u kdew ia ka hukum jong ka International Criminal Court (ICC) kaba kynnoh ia u Netanyahu halor ki thma runar pyniap briew bad ki kam runar pyrshah ia ka longbriew manbriew ha Gaza. Wat la ka US kam ithuh ïa ka bor jong ka ICC, u Mamdani u kam ba un burom ïa ka hukum bad bthah ïa ka NYPD ban kem ïa u Netanyahu ha kad liengsuiñ.
Ka hukum jong ka ICC: Ka kynnoh ba u Netanyahu u la thmu ban pynduh ia ka jingdon briew ha Gaza da kaba pynduh ia ki jingdonkam ba kongsan ha ka jingim kum ka bam ka dih, ka umdih, bad ki dawai dashin.
Ka Jing ong jong u Mamdani ka ieng halor ka nongrim: “Kane ka dei kaei-kaei kaba nga thmu ban pyndep… Ka dei ka jingkwah jong nga ban pynthikna ba kane kan long ka nongbah kaba ieng na ka bynta ka ain ha kylleng ka pyrthei.”
Potential Backlash: Mamdani’s plan may face significant backlash, particularly from New York’s large Jewish community, due to his past refusal to condemn the phrase “globalize the intifada,” an anti-Zionist slogan.
Ka jingkynthoh kaba lah ban mih: Ka jingthmu jong u Mamdani ka lah ban mad ïa ka jingkynthoh kaba jur, khamtam na ka jaitbynriew Jiw kaba heh kaba don ha New York, namar ka jingkyntait jong u mynshwa ban pynrem ïa ka kyntien “globalize the intifada,” ka jingpyrta pyrshah Zion.
Ki jingktah ha ka liang ka ain: Ka jingshah kem jong u Netanyahu ka lah ban pynkhein ia ka ain jong ka sorkar pdeng bad kan long kaba ym lah ban leh namar ka jinglong laitluid jong u kum u khlieh jong ka ri.
Katba u Netanyahu, ula kyntait ïa ki jingbyrngem jong U Mamdani, kum ki jingbyrngem kiba “biej” bad “ki bym shong nongrim”, da kaba ong, “Ngan sa wan hangtei bad U President Trump bad ngin sa ïa peit kaei ban jia.”
Katba u Donald Trump u la maham ia u Mamdani, da kaba ong, “U kham bha ban nym leh biej. Lym kumta, un sa ioh ia ki jingeh kiba khraw.”
Ka jingkular jong u Mamdani ka la pynmih ia ka jingiakren, ha kaba don kiba shim ia ka kum ka jingleh thok jong ka sain pyrthei ym kum ka polisi pyntreikam ain kaba don nongrim. Ka jingwad bniah kaba dang shen ka la lap ba ki nong New York ki kyrshan kyllum ia ka jingthmu u Mamdani halor ka Israel bad ka thma, hynrei u nongialeh pyrshah jong u, u Andrew Cuomo, u la pynpaw ia ka jingkyrshan kaba jur ia ka Israel.
