Shillong, Nailur 14
Ha ka janmiet jong ka sngi U Blei, u jumai ba khlain bad don jingthew haduh 5.9 ha u richter scale, u la pynkhynñiuh ïa kylleng ki bynta jong ka thaiñ Shatei Lam-Mihngi ka Ri India kynthup ha nongbah Shillong.
Katkum ka Indian Meteorological Survey la ïathuh ba ka thymmei une u jumai (epicentre) ka dei ka Udalguri District kaba don ha Assam ha ka jingjylliew ba 5 km. Une u jumai u la khynñiuh ha ka por 4:41 baje janmiet.
Ki nongshong shnong ka Meghalaya, Nagaland, Manipur bad Tripura ruh ki la ïoh sngew ïa kane ka jingkhynñiuh jumai ha katei ka por.
Ki bor Sorkar ka Assam kila pyntip ba bun ki paidbah kila mih na la ïing bad jaka trei ha kane ka jingkhynñiuh jumai khamtam ha sor Guwahati hynrei kat haduh ba ai khubor, kam pat shym la don kano kano ka jingïoh jingtip ban don ki jingshah pynjulor ne jingjia ba sngewsih.
La ïathuh ba hadien une u jumai ba nyngkong, sa artylli ki jumai u la khynñiuh biang uba khlaiñ 3.1 bad 2.9 na kane kajuh ka thymmei ha ka por 4:58 bad 5:21 janmiet.
