Aizawl, Nailur:
U Myntri Rangbah jong ka Mizoram u la leit jngoh ïa ka jaka pynkhuid drok da kaba kyntu ïa ka jingaiti ha ka jingleit jingwan jong ka jingpynbha. Ka sorkar ka ai jingmut bad jinghikai ïa ki jingtbit na ka bynta ki nongdih drok kiba la koit. Ki sengbhalang bad ki kynhun niam ki don ka bynta kaba kongsan ha ka jingïaleh pyrshah ïa u drok
U Myntri Rangbah ka Mizoram, u Lalduhoma ha ka taïew ba la lah, u la leit jngoh ïa ka jaka pynkhuid drok bad kyntu ïa ki nongdih drok kiba dang koit ba kin ïai neh ha ka jingïaid lynti jong ki sha ka jingkoit jingkhiah.
Da kaba pynpaw ïa ka jingsngewkhia kaba jur halor ka jingktah kaba nang jur jong ka jingdih buaid ha ka imlang sahlang jong ki Mizo, u Myntri Rangbah u la pynthikna ba ka sorkar kan dang ïai bteng ban kyrshan ïa kito kiba ïakhun pyrshah ïa ka jingdih buaid. U la ban jur ba ïa ki briew shimet kiba sangeh ïa u drok la ai ïa ki jingai jingmut kiba la buh ryntih, ka jingïalam kaba biang, bad ka jinghikai ïa ki sap ban ïarap ïa ki ban tei pat ïa ka jingim jong ki da ka burom.
U Lalduhoma u la pdiang ruh ïa ka bynta jong ki sengbhalang bad ki seng kiba pynshong nongrim ha ka jingngeit, da kaba kdew ba ka pdeng ka treikam hapoh ka rukom ïatreilang jong ki paidbah bad ki riew shimet. Ki heh sorkar ki la pynpaw ïa ka jingjop kaba heh jong ka jingkoit jingkhiah jong ka jaka sumar, da kaba batai ïa ka kum ka bynta kaba kongsan ha ka jingïakhun kaba dang ïaid shakhmat jong ka Mizoram pyrshah ïa ka jingma jong u drok.
U Myntri Rangbah u la pynskhem biang ïa ka jingkular jong ka sorkar jong u ban pynkhlaiñ ïa ki prokram pynbha pat, ban pynïar ïa ki jaka ai jingmut, bad ban thaw ïa ki lad kamai na ka bynta ki nongdih drok kiba la koit kum shi bynta jong ka buit treikam kaba kham jylliew ban ïada ïa ki pateng ban wan jong ka Mizoram.
