Shillong, Nailur 14
Ka ïatreilang S.H.G Wahmawpat Mawsynram C&RD Block, East Khasi Hills District ka la pynlong ïa ka ‘Exposure Trip’ ha RRTC-Umran, Ri-Bhoi District ha ki ar sngi lynter.
Kane ka jingpynlong ka ïatreilang S.H.G, ïa ka ‘Exposure Trip’ ka dei halor ka jingthmu ban ioh jinghikai ki khun samla ha ba ïadei ka ‘Food Processing’ bad ki kam ba rit ba ria, kum ha ka ba shna umsoh, thung tit, sara bad thung syntiew.
ïa kane ka prokram la ïarap bei tyngka da ka sorkar Meghalaya hapoh ka skhim CMYDS 2023-24 lyngba ka ophis u Deputy Commissioner, East Khasi Hills District.
Ha kaba ïadei ka ‘Food Processing’ la ïoh ka jingai jinghikai da ka Kong Eusebea Chyne bad u Bah Jenes Wanniang bad ha ba ïadei ka kam shna ‘Umsoh’, ban pdem ‘Ashar’ bad pdem ‘Wine’ bad ban thung ‘tit la ïoh jinghikai da u Bah Markus Daimary.
Ha ka sngi ka ba bud pat la ai jinghikai ha kaba ïadei kumno ban thung diengsoh ban sara nursery syntiew da u Kulendra Sarania.
Kane ka ‘Exposure Trip’ ka la long ka jingmyntoi ba khraw ïa ki dkhot jong ka ïatreilang S.H.G namar ka la lah ban ktik ïa ka jingmut jingpyrkhat jongki bad lyngba kane ka jinghikai bad ki jingpyni ka la long ka jingïarap ïa ki khun samla kynthei bad shynrang khamtam ha kane ka juk kyrduh kam kyrduh jam.
Ha kane kajuh ka sngi, hapoh ka jingïalam jong u Bah T.L. Syiemlieh, baroh ki dkhot ka S.H.G, ki la leit jngoh ïa ka KRIPA Foundation Rehab Centre bad KRIPA Victoria Senior Citizen Home kaba don ha Nongsder Ri-Bhoi District.
