Nongpoh, Nailur 15
U Deputy Commissioner (DC) ka Ri Bhoi, u Abhilash Baranwal la pyntip paidbah ba baroh ki ophis Sorkar, ki Revenue bad Magisterial Courts, ki jaka pule, ki bank bad kiwei kiwei kiba hap ha Ri Bhoi District kin hap ban khang khyrdep ha ka 15 tarik u Nailur, 2025 kum ka dak jong ka jingburom bad sngewlem halor ka jingkhlad jong u Dr DD Lapang, Myntri Rangbah barim ka jylla.
Utei u heh ophisar jong ka District u la ong ruh ba kane ka hukum ka long kum shi bynta jong ka jingburom khatduh ïa utei u nongïalam uba la noh synñiang shikatdei ïa ka imlang ka sahlang na ka bynta ki paidbah jong ka jylla hi baroh kawei.
