Shillong, Nailur 14
Ka sngi kaba ar jong ka Inter-School Basketball Tournament 2025 ba la pynïaid da ka Dubakh Sports Pvt. Ltd., ka la long kaba itynnad lyngba ka jinglah ban pynpaw la ki sap ba kyrpang da ki nongïalehkai na kylleng ka nongbah, ha ka sngi Saitjaiñ ha madan ïalehkai jong ka Pearly Dew Hig-her Secondary School.
Haba phai sha ki jingïakhun, ka Mizo Modern H.S.S ka la jop ïa ka Jaïaw Presbyterian H.S.S da 53-39, kumjuh ka St Edmund’s ISC ka la jop da 39-19 ïa ka Mawkhar Christian H.S.S, ka Little Flower H.S.S ka la pynliem noh ïa ka Shillong Public School da 35-10, ka Dinet Manik Memorial H.S.S ka la jop da 36-28 ïa ka Pearly Dew H.S.S.
Ha ka jingïakhun kaba san, ka Jaïaw Presbyterian H.S.S ka la pynliem noh ïa ka Mawkhar Christian H.S.S da 46-14, ka Little Flower H.S.S ka la jop da 46-27 ïa ka Pearly Dew H.S.S bad ka Dinet Manik Memorial H.S.S ka la pynliem noh ïa ka Shillong Public School da 30-14.
