Shillong, Nailur 14
U Chief Secretary barim ka Jylla u Bah Barkos Warjri u la ïathuh ba u Dr.DD.Lapang u dei u briew uba jynsur mynsiem bad uba kloi ban sngap ïa ka jingai jingmut jong ki ophisar.
Ym tang katta, u Dr.DD.Lapang u dei ruh u briew u bym ju don kata ban kren pyrshah ïa ngi ki ophisar hynrei u dei uba pdiang bha bad uba sngewthuh ruh, la ong u Bah Barkos.
U Bah Barkos Warjri u la ong ruh ba ha por ba dang long u Dr.DD.Lapang kum u Myntri Rangbah ka Jylla ha u snem 2009 bad ma u kum u Additional Chief Secretary ha kito ki por, haba ïakynduh kam bad u Dr.DD.Lapang ka long shisha kaba sngewtynnad haduh katta-katta.
“Kawei de ka long ba u Dr.DD.Lapang u dei u briew uba kloi ban ïarap bad uba kloi ban leh ei-ei kaba bha na ka bynta kiwei pat” la bynrap u Bah Barkos.
Nalor kata, u la ong shuh shuh ba ha ki kam ki jam ba ngi ju ïa trei la ka long ha ki rai ba ngi ai, ha kaba um ju pynslem bad u kloi ban pyndep ïa ki kam ba rah mangi.
Kumta u la ong ba ka jingkhlad noh jong u Dr.DD.Lapang ka long ka jingduh kaba khraw ïa ngi bad ïa ka jylla hi baroh kawei, hynrei ngi sngewthuh pat haba ka rta jong u ka la ïaid bad kattne phew snem u la shakri ia ka jylla, ha kaba kut ka long ba ngin sngew nguh ïa u Blei ïa ka jingtreikam jong u Bah Lapang uba la shakri ïa ka jylla.
