Jowai, Nailur 15
Kawei ka longïing kala mad ïaka jingduh kaba khraw hadien ba ka ïing kaba ki shong ki sah, kala shah bam shngiam haka ding kaba la klang bha kaba la jia haka shnong Sohmynting ha West Jaiñtia Hills District.
Kane ka jingjia pluh ding ka la jia haka 14 tarik mynta u bnai. Kane ka ïing ka dei kaba long trai da ka Kong Sbuh Pyrtuh.
La ïathuh ba kane kala jia haka por kumba 2 shiteng lane 3 baje nohphai sngi eiei bad la suba jur ba ka jingpluh ding jong kane ka ïing ka dei na ka daw ka jingthut jong ka bording. Ka ding kaba la klang jur kala bam duh ïa baroh ki jingdon jingem kiba la kylla dpei lut.
Ha kane ka jingjia ym shym la don kano kano ka jingjia kaba sngewsih ne ka jingmynsaw ïa ki briew.
