Washington, Nailur:
U President jong ka United States, U Donald Trump, u la kyntu ïa ki heh jong ka EU ba kin pynshitom ïa ka India bad China, da kaba buh khajna haduh 100%, kum shi bynta jong ka buit jong u, ban pynbor ïa u President ka Russia, U Vladimir Putin, ba u dei ban sangeh noh shi syndon ïa ka jingleit hiar thma sha Ukraine. U Trump u la pynshlur ruh ïa ka European Union ban phah siew ïa ka India da ki khajna kiba heh kumjuh, ong une u heh sorkar uba la pan ban nym pynpaw kyrteng ban ïakren ïa ki jingïakren shimet.
Ka China bad ka India ki dei ki nongthied ba kongsan ïa ka umphniang jong ka Russia bad, kumta, ki don ka bynta kaba kongsan ban pynneh ïa ka ïoh ka kot jong ka Russia katba ka dang ïai bteng ban bud ïa ka jinghiar thma jong ka ïa ka Ukraine, kaba la sdang ha u snem 2022. U Trump, ula buh ïa katei ka jingkyrpad, kaba la pynsngew lyngba ka jingialang, sha u nongmihkhmat jong ka EU, halor ki jingpynjari kyndon jong ka EU, U David O’Sullivan bad kiwei kiwei ki heh jong ka EU. Ka kynhun jong ka EU ka don mynta ha Washington ban ïakren halor ka jingïatreilang halor ki jingpynjari kyndon. Utei u nongmihkhmat jong ka EU u la ong ba ka U.S. ka la pynpaw ba ka kloi ban buh ïa kijuh ki dor lada ka European Union ka kohnguh ïa ka jingkyrpad jong ka U.S.
“Ki ong ha ka nongrim: Ngin sa leh ïa kane hynrei phi donkam ban leh bad ngi,” la ong u nongmihkhmat.
Ka jingkyrpad jong ka U.S., lada shah sngap, kan wanrah ïa ka jingkylla ha ka buit treikam na ka bynta ka EU, kaba la kham jied ban pynkyrpang ïa ka Russia da ki jingpynjari kyndon ban ïa ki khajna.
U Trump, uba la thoh nyngkong eh ïa katei ka jingkyrpad jong u, da ka Financial Times, u ju byrngem bunsien ban buh khajna ïa ka India bad ka China, kum ka jingpynshitom, na ka bynta ka jingthied jongki ïa u dewbilat jong ka Russia.
Katba u Trump u la pynkiew ïa ka khajna ha ka India ha ka por lyiur da 25% point ha kawei ka bynta namar ka jingïadei ha ka liang ka ioh ka kot bad ka Kremlin, u Trump um pat lah ban pynkhih ïa ki lad ki lynti kiba kham pynshitom kiba u la pynmih.
Teng teng, u la ujor ba ka Europe hi kam shym la lah ban pyniakhlad pura na ka Russia, kaba la pynbiang kumba 19% na ka gas kaba la wanrah na ka EU ha u snem ba la dep watla ka kynhun ka ong ba ka kular ban pynkut noh pura ïa ka jingshaniah jong ka ha ka bor ding jong ka Russia.
Hadien ha ka sngi thohdieng, U Trump u la ai jingmut ba ka U.S. ha ka jingshisha ka lah ban kyntiew ïa ka khaii pateng bad ka India, da kaba thoh ha ka jingthoh ha ka social media janmiet ba ka U.S. bad ka India ki dang trei ban weng ïa ki jingeh ha ka khaii pateng hapdeng ki ri. U la pynpaw ruh ïa ka jingsngew kmen ba u la ioh ban iakren bad u Myntri Rangbahduh ka India- u Narendra Modi haba iadei bad kane ka kam.
