Khliehriat, Nailur 16
Ka Rymbai Synrangshahkhaiñ bad ka Rymbai Madanpynriang ki la khur ïa ka jingjop ha ka 1st Division Football Tournament ka la pynïaid da ka East Jaiñtia Hills District Football Association (EJHDFA) ha madan Diengshynrum, Khliehriat ha ka sngi Ba-ar.
Ha ka jingïakhun kaba nyngkong, ka Rymbai Synrangshahkhaiñ ka la pynliem noh ïa ka Sutnga Mission SSC da 2-1 kol. Ïa kine la thep da u Lalgugin Latjem (10), bad u Seigaohao Dimngel (37), katba ïa ka shi kol na ka bynta ka Sutnga Mission la thep da u Eleazar Slong (35).
Ha ka jingïakhun kaba bud, ka Rymbai Madanpyn-riang SC ka la jop da 4-1 kol pyrshah ïa ka Mukhaïa-long SCSC. Ka Mukhaïalong ka la thep kol nyngkong lyng -ba u Timi Phawa (30), hynrei ka Rymbai Madan-pynriang ka la pynphai kylla haduh saw kol lyngba u Obadaïa Bareh (42), Return Chadong (55) bad ar kol da u Rapport Dkhar (73 & 75).
