New York, Nailur:
U Commerce Secretary jong ka US, u Howard Lutnick, u la ong ba ka India ka sngew sarong ba ka don 1.4 billion ngut ki briew hynrei kan nym thied wat tang khyndiat ruh u khaw ka America, da kaba pynskhem ba ka India ka dei ban pynhiar ïa ka dor ki mar khaïi jongka lane kan ïakynduh ïa jingeh ban ïatrei lang bad ka US.
U Lutnick u la kren ïa kane ha ka jingïakren ha ka sngi Saitjaiñ haba la kylli ïa u hato ka US ka pynïaid bakla ïa “ki jingïadei kiba kordor bha” bad “ki paralok ba kongsan” kum ka India, Canada bad Brazil da ki khajna ba la buh halor kine ki ri.
Ka jingiadei ka long kawei ka lynti, ki die ia ngi bad ki shim kabu ia ngi. Ki khanglad ia ngi na ka ioh ka kot jong ki, bad ki die ia ngi katba ngi dang plie lad ia ki ban wan rung (bad) ban shim kabu,” la ong u Lutnick. “U president u ong, ‘ka khaii pateng kaba hok bad kaba iadei’,” u la bynrap.
“Ka India ka sngew sarong ba ki don 1.4 billion ngut ki briew. Balei ba 1.4 billion ngut ki briew kin ym thied ia kawei ka bushel u kew jong ka US? Hato kata kam rub ia phi ia ka rukom kaba bakla ba ki die lut ia ngi bad kin nym thied ia u kew jong ngi. Ki buh dor ia baroh”, la ong u Lutnick.
U la bynrap ruh ba u President Donald Trump u la ong “‘pynhiar ia ki khajna jong phi, leh ia ngi kumba ngi leh ia phi'”.
U symbud khaii pateng u la ong shuh shuh “ngi la dei ban pynbeit ia ki snem kiba bakla kumta ngi kwah ia ka dor kaba iaid sha kawei pat ka liang tad haduh ba ngin da pynbeit ia kane”.
