Khliehriat, Nailur 16
Ka Tluh SC bad United Biate ki la khur jingjop ha ka lympung ïalehkai 1st Women’s League Football Tournament 2025 ba la pynïaid da ka Saipung Block Sports Association (SBSA) ha ka sngi Ba-ar.
Ha ka jingïalehkai kaba la long ha madan Lamyrsiang, ka Tluh SC ka la pynliem noh ïa ka Lumtong SC lyngba ka shi kol ba la thep da ka Yoka Suja (23).
Haba phai sha kawei pat ka jingïalehkai, ka United Biate kala jop da 1-0 kol ïa ka Moolamylliang SC bad ïa kane la thep da ka Amethis Darnei ha ka minit kaba 34.
