Khliehriat, Nailur 17
Ka lympung ïalehkai 1st Division Football Tournament ba la pynïaid da ka East Jaiñtia Hills District Football Association (EJHDFA) ka la nangjam shaphrang ha kaba ka Wahïajer Narpuh bad ka Khliehriat West YWSC ki la khur jingjop ha ka sngi Balang ha madan artificial turf Diengshynrum, Khliehriat.
Ha ka jingïalehkai kaba nyngkong, ka Wahïajer Narpuh ka la pynliem noh ïa ka Rymbai Ïawpynsin SC da 3-0 kol. Ïa ki kol jong ka Wahïajer Narpuh la thep da u Paila Mukhim ha ka minit kaba 16, kumjuh u Monush Lapang (31) bad u Santosh Teron (58).
Haba phai sha ka jingïalehkai kaba bud, ka Khliehriat West YWSC ka la pynliem ïa ka Ïatyllilang SC da 8-0 kol. Ïa kine la thep da u Ebangalish Nongrum (18 & 57), Irengbam Bioyachandra Sing (24(, Handeibam Nacho Sing (33 & 77), Teibor Swer (45), Haome Sympli (87) u bad Sandy Kasar (90+2).
