Jowai, Nailur 17
Ka shlem treikam u District Sports Officer (DSO) ka West Jaiñtia Hills District ka la pynbna ba kan pynlong ïa ka Open Inter-School Basketball Tournament 2025 na ka bynta ki skul baroh hapoh ka district ha u Risaw mynta u snem.
Kane ka lympung ka hap hapoh ka kyrdan Lower Secondary haduh Higher Secondary School na bynta ki shynrang bad kynthei ha kaba yn pynlong ha Kiang Nangbah Stadium, Ladthadlaboh Dongmihsngi, Jowai.
Ki skul kiba kwah ban ïashim bynta kin wan shim ïa ki form na katei ka shlem treikam u DSO ha ki por treikam bad ka tarik ban sdang ïa ka lympung kan sa pyntip hadien. La bthah ruh ba baroh ki nongïalehkai kin hap ban ai lang ïa ka School ID bad ka Entry Form, kawei ka dur passport jong u/ka nongïalehkai. Ka sngi ba khatduh ban ai ïa ki entry form ka long ha ka 3 tarik u Risaw.
