Beijing, Nailur:
Ka China, ka la kynthoh pyrshah ïa ka US, halor ka jingtyrwa jong U President Donald Trump, ba ka NATO, kan buh khajna 50-100% ïa ka China, halor ka jingthied jong ka ïa ka umphniang jong ka Russia. Haba pynkynmaw biang ba ka Beijing ka thrang ban kyntiew ïa ka jingïakren ïasuk na ka bynta ban pynbeit ïa ki jingeh kiba don ha ki jaka ba jur bha, u Myntri kam bar ri jong ka China, u Wang Yi, u la ong ba ki thma kim lah ban pynbeit ïa ki jingeh bad pynpaw ba ki jingpynjari kyndon kin pynjynjar tang ïa ki.
U la pynpaw ïa kane ha ka jingïalang bad ki nongthoh khubor ha Ljubl -jana ha ka sngi Saitjaiñ, hadien ba u la ïakynduh ïa ka Deputy PM jong ka Slovenia bad ka myntri kam bar ri bad European Affairs ka Tanja Fajon, ong ka China Daily.
“Ka China kam ju iashim bynta ne thmu ia ki thma, bad kaei kaba ka China ka leh ka long ban pynshlur ia ka jingiakren iasuk bad ban kyntiew ia ka jingpynbeit ia ki jingeh ha ka sain pyrthei lyngba ka jingiakren,” la ong u Wang Yi. U la ai ruh ia ka jingkhot ban kyntiew ia ka jinglong ba bun jait, ban pynkhlain ia ki rukom treikam ba bun jait, bad ban iada lang ia ki jingthmu bad ki nongrim jong ka UN Charter. U la pynpaw ba ha kine ki por ba mynta, ka jinglong jingman jong ka pyrthei ka paw da ka jingkulmar kaba ïasoh lang bad ki jingïakynad kiba ïai bteng.
“Ka China bad ka Europe ki dei ban long ki paralok ban ia kaba ialeh pyrshah, bad ki dei ban iatreilang ban ia kaba ialeh pyrshah iwei ia iwei pat. Ka jingjied kaba dei hapdeng ki jingkylla kiba khraw tam ha ka spah snem ka pyni ia ka jingkitkhlieh kaba baroh arliang mamla ki dei ban pyndep ia ka histori bad ki paidbah,” la ong u Wang Yi, kumba la iathuh da ka Global Times .
Kane ka jingkdew jong u kaba la buhrieh ka long tang hadien ba u president jong ka US, u Donald Trump, ha ka sngi Saitjaiñ, ula tyrwa ba ka NATO, kan buh khajna, kaba 50 percent haduh 100 percent, halor ka China.
