Shillong, Nailur 17
Ka Meghalaya Cricket Association(MCA) ka la wan shakhmat ban pynbna ïa ki kyrteng jong ka kynhun ïalehkai kriket U-19 ki shynrang, ki ban mih-khmat ïa ka jylla sha ka lympung ïalehkai ka BCCI ka Vinoo Mankad Trophy bad Cooch Behar Trophy, na ka bynta ka samoi ïalehkai 2025-2026.
Ka jingpyllait ïa ki kyrteng ki rangïalehkai ka la wan lyngba ka MCA’s Junior Men’s Selection Committee, kaba la long hadien kiba bun ki kylla jong ka jingpyrshang bad da kaba pynshong nongrim na ka jinglah ban ïalehkai jong ki ha ka samoi kaba la dep.
Ha kane ka kynti, u Heiyoomiki Ryngkhlem u la shah jied kum u kapten katba u Gaurav Narleng kum u vice captain bad ïa kane ka kynhun yn ïalam da u Bah Synrapsing Riahtam kum u coach.
Ka Vinoo Mankad Trophy, ka dei ka jingïa-lehkai one day, kaba ha kane ka kynti, ka Megha -laya ka don ha ka thup ïalehkai bad kiwei pat ki jylla ka thaiñ shatei lammihngi kum ka Mizoram, Naga-land, Arunachal Pradesh, Manipur bad Sikkim.
Ïa kane ka lympung yn sdang ha ka 9 tarik u Risaw bad ki jingïakhun la buh ban long ha Chandigarh, ha kaba ki artylli ki kynhun ki ban khur bun point (top team) kin jam pat sha ka wat ïakhun kaba khatduh (final round).
Kumba ka long ka jingpynkhreh ïa kane ka kynhun kan sdang naduh ka 24 tarik mynta u bnai bad kan kut haduh ka 5 tarik u Risaw ha Jagiroad, Assam.
Nalor katta la pyntip ba baroh ki 15 ngut ki rangïalehkai bad ki san ngut kiwei pat kiba la pynap (standby), kin hap ban ïakynduh lang shwa ha ka step jong ka 23 tarik mynta u bnai hashwa ba kin ïa mih lang kum shi kynhun ban hiar sha Jagiroad, bad ha ka 6 tarik u Risaw ka kynhun kan sa leit pat sha Chandigarh.
Ki kyrteng ki rangïa-lehkai ki long u Apan-danka R Marak, Angkit Tamang, Ashish Kumar Lohar, Benedict J Ma-kdoh, Dipayan Nandi (WK), Gaurav Narleng (VC), Gaurav Jyoti Tha-kuria, Grish Raj Ray, Heiyoomiki Ryngkhlem (C, WK), Krishwal Marak, Mewankitbok Kharpuri, Namewanki Pakyntein, Rudra Singh Rathore, Rimtora D Shira, Rohit Sharma. Kiwei pat kiba la pynap lypa ki long u Mannan Surana, Bishesh Chettri, Sameer Chaudha -ry, Namgrik K Sangma bad u Paisal Ali.
Ki nongïarap ki long u Synrapsing Riahtam (Head Coach), Claystone C Marak (Assistant Coach), Hamboy Langbang (Phy-sio) bad u Prewindson Sangma (Manager).
