Shillong, Nailur 17
Ka North Liberty Higher Secondary School ka la mad ïa ka jingshah rem ha ka Gokulam kaba na Kerala da 2-1 kol ha ka jingïalehkai kaba ar jong ka Under-17 boys ha ka 64th International Subroto Mukherjee Football Cup 2025, ha ka sngi Balang ha nongbah Delhi.
Ha ka jingïalehkai kaba nyngkong kaba la long ha ka sngi Ba-ar, katei ka kynhun kaba na West Jaiñtia Hills, ka la pynliem ïa ka RKM Academy kaba na Chhattisgarh da 2-0 kol.
Ha kane ka jingïakhun, katei ka skul na Kerala ka la ïoh ban pynkhihjar ha ka minit kaba 26, hynrei ka North Liberty ka la lah ban pynïakhaid kylla ha ka kylla miet lyngba u Ïaisanlang Dohling ha ka minit kaba 58. Hynrei ka Kerala ka la thep biang ïa ka kol kaba ar lyngba ka penalty ha ka minit kaba 69 na ka bynta ban khur syndon ïa ka jingjop bad ban bat ïa ka kyrdan ba hakhlieh ha ka Pool-H.
Te kumta ka North Liberty kan pynkhreh ïa ka jingïalehkai kaba khatduh mynta ka sngi Palei pyrshah ïa ka kynhun kaba na Delhi.
